ග්‍රාම නිලධාරීවරුන්ගේ සේවා ව්‍යවස්ථාව සකසා අවසන් බවත් ජාතික වැටුප් හා සේවක කොමිෂන් සභාවේ අනුමැතිය සඳහා යොමු කර ඇති බව වාරිමාර්ග අමාත්‍ය සහ ස්වදේශ කටයුතු රාජ්‍ය අමාත්‍ය චමල් රාජපක්ෂ මහතා පවසයි. අමාත්‍යවරයා මේ බව සඳහන් කළේ ග්‍රාම නිලධාරී වරුන්ගේ ගැටළු විසදීම සඳහා වෘත්තීය සමිති 11ක නායකයින් සමග ස්වදේශ කටයුතු රාජ්‍ය අමාත්‍යාංශ ශ්‍රවණාගාරයේ ඊයේ (15) පැවති සාකච්ඡාවක දී.

ග්‍රාම නිලධාරි වරුන්ගේ සේවා ව්‍යවස්ථාව ජාතික වැටුප් හා සේවක කොමිෂන් සභාවේ අනුමැතිය ලැබුණු පසු ඔවුන්ගේ පවතින ගැටලු වලට නිසි විසදුම් ලැබෙන බව අමාත්‍යවරයා මෙහිදී පෙන්වා දුන්නේය.

වසර ගණනාවක සිට ග්‍රාම නිලධාරීවරුන් ගේ පවතින ගැටළු සඳහා විසඳුම් ලබාදී ඇති බවත් ඉතිරි වී ඇති අනෙකුත් ගැටලු සඳහා අවශ්‍ය විසදුම් ලබාදෙන ලෙස ස්වදේශ කටයුතු අමාත්‍යාංශයේ ලේකම් එම් .එච්. එම් චිත්‍රානන්ද මහතා වෙත අමාත්‍යවරයා මෙහිදී උපදෙස් ලබා දෙන ලදී.

නිරෝධාන ඇඳිරි නීතිය හේතුවෙන් ජීවනෝපාය අහිමිවූ පුද්ගලයින් සඳහා රජය ලබාදෙන රුපියල් 2000 දීමනාව අද (30) වනවිට පවුල් 727,339 ක් සඳහා ගෙවීම් සිදුකර අවසන් බව වාරිමාර්ග අමාත්‍ය සහ රාජ්‍ය ආරක්ෂක හා ආපදා කළමනාකරණ සහ ස්වදේශ කටයුතු රාජ්‍ය අමාත්‍ය චමල් රාජපක්ෂ මහතා පැවසීය.

ජීවනෝපාය අහිමි වූවන් සඳහා රු 2000 දීමනාව ගෙවීමේ ප්‍රගතිය පිළිබඳව ස්වදේශ කටයුතු රාජ්‍ය අමාත්‍යාංශයේ ලේකම් එන්. එච්. එම්. චිත්‍රානන්ද මහතා සමඟ අද අමාත්‍යය චමල් රාජපක්ෂ මහතා zoom තාක්ෂණය ඔස්සේ සොයා බැලීමක් කළේය.

මාසිකව පැවැත්වෙන දිස්ත්‍රික් ලේකම්වරුන්ගේ සමුළුව අද( 30) ස්වදේශ කටයුතු රාජ්‍ය අමාත්‍යාංශයේ ශ්‍රවණාගාරයේ දී ගරු අමාත්‍ය චමල් රාජපක්ෂ මැතිතුමාගේ උපදෙස් පරිදි පැවැත්විණි. ඒ ස්වදේශ කටයුතු රාජ්‍ය අමාත්‍යාංශය ලේකම් එක්. එච් .එම් චිත්‍රානන්ද මහතාගේ ප්‍රධානත්වයෙන්.

අද දින පැවති දිස්ත්‍රික් ලේකම්වරුන්ගේ සමුළුවේදී රාජ්‍ය සේවා, පළාත් සභා හා පළාත් පාලන අමාත්‍යාංශය, මුදල් අමාත්‍යාංශය, ජාතික අයවැය දෙපාර්තමේන්තුව, භාණ්ඩාගාර මෙහෙයුම් දෙපාර්තමේන්තුව, විශ්‍රාම වැටුප් දෙපාර්තමේන්තුව, සමාජ ආරක්ෂක මණ්ඩලය වැනි ආයතන සම්බන්ධයෙන් දිස්ත්‍රික් ලේකම්වරුන්ට පවතින ගැටලු සාකච්ඡාට ලක්විය . විශ්‍රාම වැටුප් සක්‍රිය කිරීමේ ක්‍රියාවලිය දිස්ත්‍රික් ලේකම්වරුන්ගේ අධීක්ෂණ යටතේ දිස්ත්‍රික් ලේකම් කාර්යාල වෙත විමධ්‍යගත කිරීම සම්බන්ධයෙන් විශ්‍රාම වැටුප් දෙපාර්තමේන්තුවේ අධ්‍යක්ෂ ජනරාල් ඒ. ජගත් ඩයස් මහතා දිස්ත්‍රික් ලේකම්වරුන් දැනුවත් කරන ලදී.

නිරෝධායන ඇඳිරිනීතිය පැනවීම හේතුවෙන් ජීවනෝපාය අහිමිවූ පුද්ගලයින්ට රජයෙන් ලබාදෙන රුපියල් 2,000 දීමනාව සඳහා සුදුසුකම් ලබා මෙතෙක් එම දීමනාව නොලැබුණු, පුද්ගලයින් ඇත්නම් ප්‍රාදේශීය ලේකම් කාර්යාලය වෙත අභියාචන ඉදිරිපත් කළ හැකි බව ස්වදේශ කටයුතු රාජ්‍ය අමාත්‍යංශය පවසනවා.

රාජ්‍ය අමාත්‍යාංශයේ ලේකම් එන් එච් එම් චිත්‍රානන්ද පැවසුවේ එම අභියාචන තමන් පදිංචි ප්‍රදේශයේ භාර ග්‍රාම නිලධාරිවරයා හරහා ඉතා කඩිනමින් ඉදිරිපත් කළ යුතු බවයි.

දිස්ත්‍රික් ලේකම් සමුළුව ස්වදේශ කටයුතු ගරු රාජ්‍ය අමාත්‍ය චමල් රාජපක්ෂ මැතිතුමාගේ හා ස්වදේශ කටයුතු රාජ්‍ය අමාත්‍යාංශ ලේකම් එන්.එච්.එම්. චිත්‍රානන්ද මහතාගේ ප්‍රධානත්වයෙන් ස්වදේශ කටයුතු රාජ්‍ය අමාත්‍යාංශ පරිශ්‍රය වන නිල මැදුරේ ශ්‍රවණාගාරයේ දී පැවැත්විනි.

මෙහිදී අදහස් දක්වමින් ස්වදේශ කටයුතු ගරු රාජ්‍ය අමාත්‍ය චමල් රාජපක්ෂ මහතා පැවසුවේ වර්තමානයට ගැළපෙන නව පරිපාලන ක්‍රමවේදයක් ඇති කළ යුතු බවයි. වැඩිදුරටත් අදහස් දැක්වූ අමාත්‍යතුමා “වර්තමාන සංවර්ධන ක්‍රියාවලියට ගැළපෙන ආකාරයේ පරිපාලන ව්‍යුහයක් ඇති කළ යුතුයි. මහජනතාවගේ ගැටලු ඉතා කඩිනමින් විසඳීමට දිස්ත්‍රික් ලේකම්වරු සෘජුව මැදිහත් විය යුතු“ බවත් පැවසීය.

නවතම පුවත්